জিঅ’য়ে বিনামূলিয়াই ১৮ মাহৰ গুগল AI প্ৰ’ বান্ডল উন্নত কৰিলে, নতুনতম ‘জেমিনি ৩’ মডেল সংযোজন

ভাৰতৰ আটাইতকৈ ডাঙৰ টেলিকম অপাৰেটৰ আৰু ৫০ কোটিৰো অধিক গ্ৰাহকসংখ্যা থকা ৰিলায়েন্স জিঅ’য়ে গুগলৰ সৈতে থকা অংশীদাৰিত্বক আগুৱাই লৈ আই–টেকৰ ক্ষেত্ৰত এক দ্ৰষ্টব্য উন্নয়ন ঘোষণা কৰিছে। এই উন্নয়নৰ অংশ হিচাপে এতিয়া সকলো Jio Unlimited 5G গ্ৰাহকে গুগলৰ নতুন প্ৰজন্মৰ ভিত্তিমূলক AI মডেল Gemini 3 বিনামূল্যে ১৮ মাহলৈ ব্যৱহাৰ কৰিব পাৰিব। আধুনিক যুক্তি–বিশ্লেষণ, সমস্যাৰ সমাধান সক্ষমতা আৰু কোড–জেনাৰেশ্যনৰ ক্ষেত্ৰত উন্নত Gemini 3 মডেলটি বহুতো ব্যৱহাৰকাৰীলৈ উচ্চ মানদণ্ডৰ AI সুবিধা পোহৰাই তুলিব বুলি অনুমান কৰা হৈছে।

এই সুবিধাসমূহ Jio Gemini AI Pro Plan-ৰ অন্তৰ্গত, যিটো ১৯ নৱেম্বৰ পৰা কোনো অতিৰিক্ত খৰচ নোহোৱাকৈ ১৮ মাহলৈ উপলব্ধ হ'ব। প্ৰথমতে এই প্লানটো মাত্ৰ ১৮ৰ পৰা ২৫ বছৰ বয়সৰ ব্যবহারকাৰীৰ বাবে সীমাবদ্ধ আছিল। কিন্তু জিঅ’য়ে অলপ আগতে ঘোষণা কৰে যে বয়স নির্বিশেষে সকলো Unlimited 5G গ্ৰাহকেই এই সুবিধাৰ অন্তৰ্গত হ’ব। ডিজিটেল অভিগম্যতাক সকলো বয়সৰ ব্যৱহাৰকাৰীৰ মাজত বিস্তাৰ কৰাৰ লক্ষ্যতেই এই পদক্ষেপ গৃহীত হৈছে।

জিঅ’য়ে জনোৱা অনুসৰি, এই আপগ্ৰেডত দুটা মুখ্য পৰিবর্তন ঘটিছে— প্ৰথমটো হ’ল যুবক–যুৱতীৰ সীমাবদ্ধ অফাৰটো সকলো 5G গ্ৰাহকৰ বাবে উপলব্ধ কৰা, আৰু দ্বিতীয়টো হ’ল গুগলৰ আটাইতকৈ নতুন মডেল Gemini 3-ৰ সংযোজন। নতুন মডেলটোৰ উপৰিও গ্ৰাহকে Gemini 2.5 Pro-ৰ সুবিধা বিনামূল্যে পাব।

ব্যৱহাৰকাৰীয়ে Nano Banana আৰু Veo 3.1ৰ সহায়ত অধিক সীমাৰ ছবি আৰু ভিডিঅ’ জেনাৰেশ্যন সুবিধা উপভোগ কৰিব পাৰিব। ইয়াৰ উপৰিও, গ্ৰাহকে Google Photos, Gmail আৰু Drive-ত মিলি ২ টিবি ক্লাউড ষ্ট’ৰেজ লাভ কৰিব, লগতে এণ্ড্ৰইড ব্যৱহাৰকাৰীৰ বাবে WhatsApp বেকআপ সুবিধাও থাকিব। ছেটটোত গুগলৰ AI–চঞ্চালিত অধ্যয়ন সহায়ক NotebookLM-ৰো বিনামূলীয়া সুবিধা থাকিব। Jio-ৰ মতে, এই সকলো সুবিধাৰ চমু মূল্য প্ৰায় ₹৩৫,১০০।

জিঅ’ৰ এই আপগ্ৰেডেড প্লানটোৱে ভাৰতে বিশ্ব AI বজাৰত কিমান গুৰুত্বপূর্ণ স্থান দখল কৰি আছে সেয়া স্পষ্ট কৰে। এক বিলিয়নৰো অধিক ইণ্টাৰনেট ব্যৱহাৰকাৰী থকা ভাৰতক গুগল, ওপেনএআই, পাৰপ্লেক্সিটি আদি AI কোম্পানীয়ে বেছি গুৰুত্ব দিয়া দেখা যায়। অলপ আগতে পাৰপ্লেক্সিটীয়ে ভাৰতৰ দ্বিতীয় বৃহত্তম টেলিকম সংস্থা Bharti Airtel-ৰ সৈতে অংশীদাৰিত্ব কৰি Airtel-ৰ ৩৬ কোটি গ্ৰাহকক Perplexity Pro বিনামূল্যে উপলব্ধ কৰাইছে।

জিঅ’ Unlimited 5G গ্ৰাহকে এই আপগ্ৰেডেড প্লানটো সক্ৰিয় কৰিবলৈকেৱল MyJio এপ খুলিতে হ'ব আৰু ‘Claim Now’ বেনাৰত টিপিব লাগিব।