ৰণজ পেগুৱে ধুবুৰীৰ হাতিধুৰা মহাবিদ্যালয়ত ১ কোটি টকাৰ প্রশাসনিক ভবনৰ উদ্ধোধন কৰে

অসমৰ শিক্ষা মন্ত্ৰী ড° ৰণোজ পেগুৱে ধুবুৰী জিলাৰ গোৱালপাৰা সমষ্টিৰ অন্তৰ্গত হাতিধুৰা মহাবিদ্যালয়ত নিৰ্মাণ হোৱা ১ কোটি টকাৰ নতুন প্ৰশাসনিক ভবনখন উদ্বোধন কৰে। উচ্চ শিক্ষা বিভাগৰ পৰিকাঠামো উন্নয়ন আঁচনিৰ অধীনত নিৰ্মিত এই ভবনখনে একাডেমিক প্ৰশাসন উন্নত কৰাৰ লক্ষ্য লৈ সৃষ্টি কৰা হৈছে। উদ্বোধনী অনুষ্ঠানত ড° পেগুৱে গাঁও অঞ্চলৰ শিক্ষাখণ্ড উন্নয়নত ৰাজ্য চৰকাৰৰ প্ৰতিশ্ৰুতি পুনৰুচ্চাৰণ কৰে আৰু "নিজুত মইনা" আঁচনিৰ সফলতাৰ কথা উল্লেখ কৰে, যিয়ে ড্ৰপআউটৰ হাৰ হ্ৰাস কৰি উচ্চ শিক্ষাত নামভৰ্তি বৃদ্ধি কৰিবলৈ সহায় কৰিছে। অনুষ্ঠানত স্থানীয় নেতা, শিক্ষক-শিক্ষয়িত্ৰী, আৰু ছাত্ৰ-ছাত্ৰীয়ে অংশগ্ৰহণ কৰে। ১৯৯০ চনত প্ৰতিষ্ঠিত হাতিধুৰা মহাবিদ্যালয়ে বৰ্তমানে কলা শাখাৰ ১,১০০ ৰো অধিক ছাত্ৰ-ছাত্রীক শিক্ষাদান কৰি আহিছে। নতুন প্ৰশাসনিক ভবনখনে মহাবিদ্যালয়খনৰ কাৰ্যক্ষমতা আৰু শিক্ষাগত পৰিৱেশ অধিক উন্নত কৰাৰ আশা কৰা হৈছে।