মিজোৰাম আৰু গোৱাৰ পিছত তৃতীয়টো সম্পূৰ্ণ সাক্ষৰ ৰাজ্য হ’বলৈ সাজু হৈছে ত্ৰিপুৰা

২৩ জুন আগরতলাত অনুষ্ঠিত এক বিশেষ অনুষ্ঠানত ত্ৰিপুৰাক মিজোৰাম আৰু গোৱাৰ পাছত ভাৰতৰ তৃতীয়খন সম্পূৰ্ণ সাক্ষৰ ৰাজ্য হিচাপে আনুষ্ঠানিকভাৱে ঘোষণা কৰা হ’ব। ULLAS – নিউ ইণ্ডিয়া লিটাৰেচি প্ৰোগ্ৰামৰ অধীনত চলোৱা এই সাফল্যই শিক্ষাৰ প্ৰতি ৰাজ্যখনৰ দৃঢ় প্ৰতিশ্ৰুতিকেই প্ৰতিফলিত কৰে। বিদ্যালয় শিক্ষা বিভাগৰ নেতৃত্বত আৰু ২,০০০তকৈ অধিক স্বেচ্ছাসেৱকৰ সহায়ত এই অভিযানখনে ৰাজ্যখনৰ দূৰ্গম অঞ্চলসমূহলৈকে শিক্ষাৰ আলো উজাই দিছিল। ত্ৰিপুৰাৰ সাক্ষৰতা হাৰ ৯৫.৬%লৈ বৃদ্ধি পাই কেন্দ্ৰীয় চৰকাৰে নিৰ্ধাৰিত ৯৫% মানদণ্ড পাৰ কৰিছে। এই উদ্যোগত মৌলিক গাণিতিক জ্ঞান, ডিজিটেল লেনদেন আৰু আৰ্থিক সাক্ষৰতা আদিৰ ওপৰত গুৰুত্ব আৰোপ কৰা হৈছিল। মুখ্যমন্ত্ৰী মানিক সাহাৰ নেতৃত্বত কেন্দ্ৰ আৰু ৰাজ্যৰ শিক্ষাবিভাগৰ বহু প্ৰতিষ্ঠিত বিষয়া অনুষ্ঠানত উপস্থিত থাকিব।