ট্ৰাম্প ঘোষণা কৰে: এই সপ্তাহতেই টিকটক চুক্তিৰ বাবে আমেৰিকা-চীন আলোচনাৰ আৰম্ভ হ'ব

যুক্তৰাষ্ট্ৰৰ ৰাষ্ট্ৰপতি ডোনাল্ড ট্রাম্পে ঘোষণা কৰিছে যে তেখেতে সোমবাৰ বা মঙলবাৰৰ পৰা চীনৰ সৈতে টিকটকৰ সম্ভাব্য চুক্তি সম্পৰ্কে আলোচনা আৰম্ভ কৰিব। এয়াৰ ফৰ্চ ৱানত সংবাদমেলত অংশ লৈ ট্রাম্পে কৈছিল যে এখন চুক্তি "প্ৰায় সম্পূৰ্ণ হৈ পৰিছে", কিন্তু তাৰ বাবে সম্ভৱত চীনৰ অনুমোদনৰ প্ৰয়োজন। প্ৰস্তাৱিত চুক্তিখনত চীনভিত্তিক কোম্পানি বাইটডান্সে টিকটকৰ যুক্তৰাষ্ট্ৰৰ কাৰ্যকলাপ বিচ্ছিন্ন কৰি এটি নতুন আমেৰিকান-ভিত্তিক কোম্পানি গঠন কৰিব, যাৰ অধিকাংশ শ্বেয়াৰ আমেৰিকান বিনিয়োগকাৰীৰ হাতত থাকিব। এই চুক্তিখন পূৰ্বে চীনৰ আপত্তিৰ বাবে বন্ধ হৈ আছিল, বিশেষকৈ ট্রাম্পে চীনীয় সামগ্ৰীৰ ওপৰত অধিক শুল্ক ঘোষণা কৰাৰ পিছত। যদিও সম্পূৰ্ণ ভৰসা নাই, তথাপিও ট্রাম্পে আশাবাদ প্ৰকাশ কৰি কয় যে তেখেতৰ আৰু চীনৰ ৰাষ্ট্ৰপতি শি জিনপিঙৰ মাজত ভাল সম্পৰ্ক আছে আৰু এই চুক্তি দুয়োদেশৰ বাবে লাভজনক হ’ব।